Ekonomiks: Sa Daluyong ng Panahon


Lahat na ng aspeto ay ginalugad

Kung saan-saan antas napadpad

Ngunit kasaguta’y mailap

Sa katanungang hinahanap.


Habang ako’y tumatanda

May nabuong mga hinuha

Sa aking pagkakatanda

Ito’y isang mahalagang paksa.


Si Adam Smith ay naghaka

Sa ekonomiya ng madla

Pag-unlad ay abot kamay

Sa malayang kalakalan.


Marami pa ang naghaka

Hindi lahat ay natuwa,

Si Karl Marx ay nagwika

Lakas paggawa ay kailangan ng bansa;


Kapitalismo mo’y di patas sa limitadong pinagkukunang yaman

Komunismo ay kasagutan sa lumalalang kahirapan;

Pagkapantay-pantay ay matatamo

Magiging maligaya ang mundo.


Ekonomiya ay mahalagang sadya

Sa buhay ng madla hindi ka nawawala,

Ngunit kalian ka pa ba matatamo

Pag-unlad na hinahangad

Kalian

kaya

madarama!